[b]RUSKI VITJAZ[/b]

Руска Матка, Месни одбор Вербас розписує
ПЕРШИ КОНКУРС ЗА
НОВУ РУСКУ СКАЗКУ
под назву

РУСКИ ВИТЯЗ


УСЛОВИЯ КОНКУРСУ

- тематика муши буц на даяки способ вязана за историю руского народу.
- главна подоба може буц припаднїк або хлопского або женского роду.
- мено главней подоби муши буц або Мико (Микола) або Ясна.
- сказка би требала облапяц лєм єдну подїю зоз прешлосци, терашньосци або будучносци Руснацох.
- текст муши буц у електронскей фурми, послани на и-мейл адресу svmiros@eunet.yu и подписани зоз шифру.
- автор/авторе источасно посила/ю по пошти писмо зоз ришеньом шифри и податками за контакт на адресу Мирослав Силадї, Светозара Марковича 42/а, 21460 Вербас. Писма буду отверани аж кед фахови жири принєше одлуки.

Цо циль Конкурса?

Основни мотив за розписованє Конкурса то причина же ми, Руснаци, нє маме свойого националного героя / свою националну героїну. Жадаме же би ше на Конкурс зявело цо вецей сказки и же би то бул початок твореня єдного такого героя / єдней такей героїни. Конкурс будзе традицийни и будзе розписовани кажди рок. Наградзени сказки буду обявени як кнїжка, кед за кнїжку будзе достаточне число сказкох.
Буду додзелєни три новоустановени награди РУСКИ ВИТЯЗ. Кажди з трох наградзених достанє подзекованє и плакету РУСКИ ВИТЯЗ першого, другого и трецого ступня, як и пенєжну часц награди.
Шицки сказки, хтори то по оцени фахового жирия заслужую, буду одкупени и постаню власносц Рускей Матки.
Руска Матка ше обовязує же ше будзе старац же би ше мено автора наглашовало у случайох кед його сказка будзе друкована, екранизована, стрипована, анимирана, порихтана як забава за дзеци або представена у гоч якей другей фурми.
Рок за посиланє сказкох 30.09.2007.
Шветочне преглашованє побиднїкох будзе отримане у октобру .


Орґанизацийни Одбор
[img][/img]