RUSNACI OKREMNI NAROD

РУСНАЦИ ОКРЕМНИ НАРОД[b]

Skladam se

I ja se skladam ze Rusnaci okremni narod, alje se takoj i pitam ze jaki mi to narod ked se njet hto opitac ze hto zoz nacionalnoho sovitu i nasih institucijoh znova vjedno zoz predstaviteljami ukrajinskoho nacionalnoho sovita i institucijoh isol na stretnuce - na poklonjenje ministrovi vonkasnjih Ukrajini, panovi A. Jacenjukovi!?

Naj podsetim tih co nje znaju> Persih dnjoh toho mesaca jula u nascivi Serbiji bul ukrajinski minster vonkasnjih, pan A. Jacenjuk. O tim bi se tak povesc anji nje znalo, bo u beogradskih-serbskih medijoh vipatra nje bulo njigdze njijakej vistki, a njet njic anji na sajtu ministerstva vonkasnjih Serbiji.

Mozbuc bi se naspravdi njic nje znalo, da u Beogradskim DANASU 06. t.m., jak to i zvicajno za tot hlasnjik, nje bul objaveni intervju zoz ministrom, a potim na sajtu Rutenpresa i u Ruskim slove i vistka ze na stretnuce z ministrom posli predstavitelje ukrajinskej nacionalnej mensini i vjedno z njima i nasej ruskej, ci tej casci nasej ruskej mensini htora nam tu zastupa poznatu ukrajinsku politiku.

Buli, vistka objavena / u medzicasu zoz Rutenpresa sklonjena do arhivi u htorej jej njet, jak da njic nje bulo!/, a nje zname hto bul, bo mena nje navedzeni - ci se voni hanbja, ci se voni boja, ci avtore tej vistki a voni jedni isti u Rutenpresu i u Ruskim slove nje znaju svoju robotu - nje vazne, vazne ze mena tih nasih predstaviteljoh htori nas i daljej isce vse i posle sickoho scu zavjazac za Ukrajinu nje napisani.

Hajde uz i ked buli, a nje trebalo vjedno zoz predstaviteljami ukrajinskej mensini, bo to vjedno na take daco mozu isc ljem isti, ta dze ze im rozum, sovisc, cesc nje ohlasic se i pripoznac, povesc tomu nasomu narodu ze preco buli, co im tam bulo povedzene, co obecane, co sami hvareli - ta naj tot nas okremni narod sudzi ci porobeli dobre ci nje dobre...

A co bidnjatka mohli i povesc i cuc, ked zoz intervjua minustra u DANASU doznavame ze z jakima stanoviskami prisol minister i co von tu sce poscihnuc. No, tu joho slova, jak su zapisani, ta naj hvraja sami za sebe>

Na pitanje *Jak ocenjujece polozenje ukrajinskej mensini u Serbiji*, pan minister odpovedol>

*To isce jedno pitanje o htorim som u Beogradu besedoval zoz serbskima zvanjicnjikami. Slovo tu o 21.000 Ukrajincoh i Rusinoh htori ziju u Serbiji. Mi se obraceli vladi Serbiji z molbu da se jednak odnosi spram Rusinoh, jak i spram Ukrajincoh. A co se dotika pitanja htori se odnosa na prosvitu, kulturu, pozorista, skoli, finasovanje, televiziju obracim se vladi Serbiji i nadam se ze se toti pitanje risa. Povem vam toto co trimam hljiboko u dusi, a to ze ukrajinska derzava budze branjic hoc htoroho Ukrajinca njeovisno dze se von nahodzi. To dluznosc kazdej derzavi. Njisko se poklonjime serbskej derzavi ked vona na toto da odvit.*

Ta tak, pan minister nje ljem ze nje zna ze jest Rusinoh u Ukrajini, alje nje zna anji ze tu u Serbiji od kedi nas jest pripoznati jak nacionalna mensina kolo 5000 Ukrajincoh i kolo 15.000 Rusnacoh - za njho to jedno iste i vjedno nas jest takih 21.000 za htorih se voni budu boric - do ostatnjoho Rusina.

Jaku to pomoc mi Rusnaci mozeme cekac od Ukrajini htora nje pripoznava tam svojih keljo ih jest 850.000 - 950.000 Rusinoh!? Ta da ih naspravdi tam jest ljem 10.000 keljo ih zapisali na ostatnjim u svetu ocenjenim falsivim popisovanju - ta preco im nje daju toto cu tu u Serbiji maju tih kolo 5000 Ukrajincoh i kolo 15.000 Rusnacoh. Od coho strahuju!? od rusinskoho separatizma - toho medzi Rusinami anji tu anji tam njet. Separatizam rosnje na njepostovanju ljudskih i mensinskih pavoh. Za nas Rusnacoh se nje treba boric, mi toto pravo - jake je take je - zdobuli skorej jak Ukrajinskej derzavi jak takej bulo. Mi nje mozeme svoju sudbu vjazac za cudzu derzavu - ta isce na politiki htora njepripoznava nas nacionalni identitet. Naj se pan minister bori za prava jaki mi tu mame za tam hevtih Rusinoh u svojej derzavi - potverdzi zoz tim svoju demokatsku, evropsku orijentaciju i sicko toto co u intervjuu hvarel o nukasnjih obstavinoh i politiki Ukrajini.

Zakoncim zoz krasnim pozdravom tim nasim prednjakom htori isli na hljiboke poklonjenje do ministra derzavi htora nas nje pripoznava. Dze pojedzeme mi zoz njima nje znam, alje znam dze voni pojdu sami zoz taku politiku, Mihal Hornjak

ЖДИНЯ – ЛЕМКОВСКА ВАТРА

"Лемковску ватру" отворел укаїнски предсидатель

ЖДИНЯ, 24. юлий 2007. (Рутенпрес) – Предсидатель України Виктор Ющенко и його супруга Катерина отворели 25. "Лемкивску ватру" у польским варошу Жидня.

"Мнє окреме мило же можем з вами запалїц 25. Лемковску ватру", гварел у привитни слову українски предсидатель Ющенко и подзековал на поволанки.

По Ющенкових словох обидва держави, Україна и Польска, иду по драги порозуменя, партнерства и довирия. Окреме подзековал предсидательови Польскей на добрей дзеки у змоцньованю партнерства медзи двома державами.

Вон привитал шицких учашнїкох зоз Польскей, України, Словацкей, Горватскей, Сербиї, Канади и Америки и поволал на єдинство українскей дияспори. Ющенко визначел же Україна помага дияспори кельо може и наглашел же пошвидко будзе отворени Центер лемкивскей култури "Боґдан-Игор Антонич" у Горлицох, а будзе ришене и питанє Укаїнского народного дому у Перемишлю.

Под час отвераня "Лемковскей ватри" предсидатель Ющенко уручел орден княза Ярослава Мудрого пиятого ступня Перемискому и Новосанчивскому архиєпископови Александрови Адамови.

Предсидатель України участвовал и у пошвецаню Дзвона мира, хтори пошвецени 60-рочнїци операциї "Висла", соопщене на официйним сайту предсидателя України.[quote]

Co se ma predsidatelj Ukrajini misac do tej manifestaciji? Lemki nje Ukrajinska dijaspora, ha nje tak?

1.Predsidatelj Ukrajini V. Juščenko zoz učastvovanjom na Lemkovskej vatri potverdzel znova že jedna časc ukrajinskih vlascoh zaprovadzuje politiku davno pokojnej kominterni i KPSS-KP Ukrajini njepripoznavanja Rusinoh.

Totu politiku von aktuelizoval ostatnjiraz na IV soboru svetovoho ukrajinstva 18.08.06., a nam ju tu njedavno predstavel minister vonkašnjih, pan A. Jacenjuk. Namahanja idu za očuvanjom i objedinjovanjom "ukrajinskej dijaspori" u švece. Problem nje u tim, legitimne pravo každej deržavi starac še i otrimovac vjazi zoz svojima viseljencami. Problem u tim že voni za ukrajincoh trimaju šickih Rusinoh, hoč jak še voni volali (Lemko, Bojko, Huculi) - voni, spram ih pohopenju u Ukrajini - Ukrajinci, a vonka zoz ukrajinskih hranjicoh - "ukrajinska dijaspora", mi toti tu u Vojvodini mame česc buc - najstarša ukrajinska dijaspora!

Hto otvori sajt Ukrajinskej ambasadi u Beogradze - www.ukrembassy.org.yu - najdze ljistinu šickih "ukrajinskih organizacijoh i institucijoh" pod kalapom UKRAJINSKA DIJASPORA. Tam i naš nacionalni sovit i ruska matka na čolje zoz S. Orosom, Dj. Papugom, tam djurdjovske družtvo Taras Ševčenko, itd.

Nje problem anji u tim že voni vodza taku politiku, problem u tim že našo instituciji ciho, a znace za hevto - sto raz povedzene sprevocka sce postac pravda! Ruske slovo i daljej totu politiku zaprovadzuje, opačce ljem ostatnji čisla, nje položeli rezoluciju Švetovoho kongresa rusinoh u Sigetu, a položeli rezoluciju SFULO, objaveli i totu vistku o naščivi predsidatelja Ukrajini Lemko Rusnacom - naj tot naš ruski narod zna hto je i co je. Znova spomnuti i jeden ućašnjik/delegat "zoz Serbiji", alje mena anji teraz njet - pocahli še voni, toti našo Rusini Ukrajinci do ilegalnosci!

Nje treba še sekirac, problem še riši u Ukrajini, napraveli sebe tak volane rusinske pitanje, barz ih priciskaju z vonka, a podzeljeni i voni sami. Teljo ljem že ostanje hanjba na tih naših co še prijalu dlužnosci zastupac i predstavjac rusnacoh.

Insak, rusnaci nje dijaspora anji hevti tam, anji mi tu, zoz tim nauka davno rozčiscela, a co še dotika pravih ukrajincoh u dijaspori - ukrajinski vlasci še maju o čiim starac, čiislo viseljencoh še za toti roki njezavisnosci Ukrajini barz zmenšalo za skoro 3,0 milioni - na ostatnjim popisovanju pod Sovjetskim Sojuzom 1989/91. Ukrajina mala prejg 51,0 miliona žiteljoh, roku 2006., spram podatkoh ozbiljnih medzinarodnih organizacijoh ih jest dakus vecej ljebo menjej od 46,0 milioni.